نوره الفطحاني 

ما شوف قدامي ــــــ سوايا زماني

وعيت من صدمة عمر تكسر رجال 

يا قوها من وقعها ــــــ صرت ثاني

ملامحي لـ الصمت والهم مدهال 

لاكن سكوتي ــــ واخر العمر فاني 

نظرات عيني شاهدت كثر الأهوال 

الي بها جور ـــــــــــ الليالي رماني 

يا كسرة الخاطر ويا ضيقة الحال

من قلب ضايق بين عوج المحاني 

لا غابت الشمس ـ انتثر بوح همال 

الشعر سارقني ــــــ وبحره خذاني 

غابت غياب ولاكـــن الحال لا زال 

بين السكوت الي بـ ضيمه كواني 

ما بين تنهيده ـــــــــ وشدً وترحال 

تدوج بي الأفكار ـــــ والفكر عاني 

اجلس واسولف وادلج الليل موال

وابخص من الواقـع بـ حجة أناني 

بيني وبين الليل ــــ والبوح ما قال 

موالفة مسقط ـــــــ لـ حب العماني 

وبيني وبين الواقـــع عتاب وقتال 

مثل السعيدة ــــــ لا خذلها اليماني 

وبيني وبين ـــــ الفكر لا ليلنا طال

أرق من وردة ـــــــــ نبات أقحواني