||
إن كان عزو فيك أو مايعزون
مافيه شي اليوم يجبر مصابي
راح الكريم وفيني الحزن مكنون.
وضاقت علي بيوم فقدك ثيابي
يابوي ليت الناس لاغبت يدرون.
انك لقا عمري وفقدك عذابي
كل شي غالي يايبه بعدك يهون
لوكان ابفقد عقب موتك شبابي
تبكي بيوم غيابك قلوب وعيون
من قبل اشرع دون الاحزان بابي
يبكونك اللي بمجلسك ويتعنون.
يبغون شوفك ياعزيز الجنابي
ياللي تشيل ديون وتسدد ديون
للضيف والعاني وعتق الرقابي
مسجد صلاتك يفقدك لو يصلون
وديوان بيتك والاهل والمرابي
ياجعل بالفردوس مادونها دون
وقبرك بساتين ورياض وروابي
مرحوم ياوجهن له الكل ممنون
اقولها والحزن توه سرابي
مات الكرم والطيب والعز والعون
والعمر بوجودك بدا وانتهابي
جميع الحقوق محفوظه لصحيفة المصداقية الالكترونية 2020
الله يرحمه ويتجاوز عنه
أبيات قمة بالروعه متسلسل بشكل فضيع تبارك تبارك الله الله وصح لسانك دكتورتنا
الله يرحمه ويغفر له وأنا اشهد نصيته السابقه شيخ المواقف ابو فهد عسى الله ويتجاوز عنه
الله يرحم فقيدكم مرثية جداً جميله
الله يرحمه ويغفر له
أبيات في قمة الجمال
مفردات غير مستهلكه بالشعر تبارك الرحمن
الله يرحم الشيخ فهيد ويجبر مصابكم يادكتوره
الله يرحمه ويحسن إليه ويجبر مصابكم