نوره الفطحاني 

لمحت الحزن في طرفي الساهي الفتان

ما بيني وبين الوقت فــــي ذمتي راحه

عيوني شقى تحكي وقصه من الخذلان 

قبل ما نطقت بها بــدت لي على الساحه

تجسدت شخصيتي وجســدت فيه الان 

قصيدة حـــزن واضـح والأحـزان ذباحه

اسطر بهــا جــــزله تسابـق على الميدان 

وش يفيــد شاعــرها الاصـوات صداحه 

ولا فادني إبداعـي ولا فــــاد صح لسان

الافكار تضحيتـــــي والابيــــات سفاحه 

انا شاعـرة جــــدا وانا مـن ذرى فطحان 

قبيلة فخــــر والعـــز والمجـــد وارباحه 

تعزويت في ربعـي ومـن يعتزي ما هان 

يدل الـدروب العـــوج ويشـــوفها واحه 

انا شفت في جيلـي صـبايا غـدن غزلان

ليا من مشن يمشـــــن على ناعم الراحه

وانا خطوتي فيها من الخوف والرهبان 

شعوري كســــير وفكـــري فتيل قداحه 

اسامر نجـوم الليــل واستجـمـع القيفان 

ورجفة ضلوع الصــدر تتلحـف وشاحه

الا واهني وانــــــا صغيــــره وقلبي كان 

يحسب الحياة ابسـط والاوجاع منزاحه 

كبرنا وحسيـــــــنا وعرفنـا وش الاحزان 

وعشنا الصبر لاكــــــــــن ما لاح مفتاحه 

يدور الزمـن وتمــــرني فكـــــرة النسيان 

وقلبي يمـــوت ولا نســـي فعــل جراحه